Golden Eagle Ylli nuk ndalet, triumfon bindshëm ndaj Vëllaznimit në Gjakovë

Skuadra e Golden Eagle Ylli ka regjistruar fitoren e saj të tretë radhazi në Superligën e Kosovës në basketboll, pasi ka mposhtur si mysafir Vëllaznimin në qytetin e Gjakovës me rezultat prej 86:100. Në radhët e skuadrës vendase, lojtari më i spikatur ishte Kentrell Pullian, i cili e mbylli takimin me një paraqitje fantastike prej 28 pikëve, 7 kërcimeve dhe 7 asistimeve. Ndërkohë, te ekipi triumfues nga Theranda, kontributin kryesor në parket e dha Davontrey Thomas, i cili u dallua si më efikasi me 26 pikë të shënuara dhe 6 kërcime të realizuara. Pas kësaj xhiroje në elitën e basketbollit vendor, Golden Eagle Ylli pozicionohet në vendin e dytë të renditjes tabelore me 8 pikë gjithsej, ndërsa Vëllaznimi zë vendin e gjashtë me 5 pikë të tubuara.