Trazirat në Tiranë: Transportohet drejt Traumës një tjetër i ri, lëndohet edhe një efektiv policie

Protesta e cila vazhdon të mbahet në kryeqytet, kryesisht përgjatë bulevardit “Dëshmorët e Kombit”, ka shënuar incidente të reja dhe persona të lënduar nga përplasjet në terren. Një i ri është dërguar me urgjencë në Spitalin e Traumës për të marrë trajtimin e duhur mjekësor. Të dhënat e para nga vendngjarja tregojnë se gjatë nisjes drejt spitalit, ai ka qenë në gjendje ndërgjegjjeje. Në një zhvillim tjetër, raportohet se radhët e forcave të rendit kanë pësuar një tjetër lëndim, pasi një efektiv policie ka rënë viktimë e dhunës në protestë. Punonjësi i lënduar është nisur për në spital me mjet privat dhe jo me autoambulancë. Klima në terren vazhdon të mbetet jashtëzakonisht e tensionuar, e shoqëruar vazhdimisht me hedhjen e gurëve dhe mjeteve të tjera të forta drejt forcave të sigurisë.