Formë e lartë e Cityt, Haaland shkëlqen sërish dhe udhëheq skuadrën drejt fitores së radhës

Manchester City po kalon një fazë jashtëzakonisht të mbarë në elitën e futbollit anglez, duke konfirmuar edhe një herë ambiciet e qarta për kreun e tabelës. Ekipi i udhëhequr nga strategu Pep Guardiola ka shënuar triumfin e shtatë radhazi në Premier League, pasi ka mposhtur me rezultat 3:2 skuadrën e Ipswich Town. Sulmuesi shtatlartë norvegjez, Erling Haaland, ka konfirmuar formën e tij të jashtëzakonshme duke realizuar dy herë, sukses që e mban atë në vendin e parë të listës së golashënuesve në kampionat me gjithsej nëntë gola të shënuar deri më tani. Për kampionët në fuqi, golat u realizuan nga Phil Foden në minutën e 19-të dhe Erling Haaland në minutat 34’ e 69’. Ndërkohë, për mysafirët nga Ipswichi, autorë të golave ​​ishin Maeda në minutën e 21-të dhe Flemming, i cili shënoi nga pika e bardhë e penalltisë në minutën e 90-të. Pas këtij rezultati pozitiv, Manchester City ngjitet në majën e renditjes me 21 pikë të grumbulluara, kurse Ipswich Townpozicionohet në shkallën e dhjetë të tabelës me nëntë pikë në llogarinë e tyre.