Kthehet te fitorja Skënderbeu, triumf i merituar ndaj Elbasanit në Korçë

Skënderbeu ka regjistruar suksesin e parë sezonal në Abissnet Superiore, duke treguar grintë në ndeshjen e vlefshme për javën e 7-të kundër Elbasanit, e cila u mbyll me rezultatin 2:1 në favor të vendasve. Nën drejtimin e trajnerit Juljan Ahmataj, bardhekuqtë gjetën pikët e plota falë paraqitjes fantastike të sulmuesit Bismark, i cili u shndërrua në protagonist absolut me dy gola të shënuar. Pjesa e parë solli emocione dhe u hap nga miqtë, kur në minutën e 41-të Mazari zhbllokoi shifrat e sfidës, duke përfituar nga një pasim i pavullnetshëm i Nikajt. Megjithatë, reagimi i korçarëve nuk vonoi, pasi Bismark neutralizoi avantazhin e Elbasanit duke vendosur baraspeshën para se ekipet të hynin në dhomat e zhveshjes. Gjatë pjesës së dytë, skuadra vendase ngriti ndjeshëm ritmin e lojës dhe ushtroi presion të vazhdueshëm në portën kundërshtare. Ky dominim u kurorëzua në minutën e 78-të, kur Bismark shënoi golin e tij të dytë personal dhe të fitores për skuadrën. Falë këtij triumi mjaft të rëndësishëm, “Ujqërit e Dëborës” ngjiten në kuotën e 6 pikëve duke pozicionuar veten në vendin e 7-të të renditjes, ndërkohë që kjo fitore ka zbritur edhe Partizanin në fund të tabelës së kampionatit.