Vazhdojnë protestat në Elbasan: Pjesëmarrje më e ulët, dëmtohet prona publike dhe shoqërohet një person

Për të tretën ditë radhazi, qyteti i Elbasanit ka qenë skenë e protestave, megjithëse këtë të martë është vënë re një rëndësi e ndjeshme e numrit të qytetarëve të pranishëm në tubim. Tubimi ka nisur rreth orës 11:00, ku gjatë zhvillimit të tij janë regjistruar akte vandalizmi dhe dëmtime të elementeve të ndryshme të infrastrukturës urbane dhe hapësirave publike. Sipas raportimeve nga terreni, gjatë marshimit të protestuesve janë dëmtuar disa shtylla të sinjalistikës rrugore, stola pushimi, si dhe kontenierë për grumbullimin e mbeturinave. Pavarësisht incidenteve me pronën publike, autoritetet kanë konfirmuar se gjatë kësaj dite nuk janë shënuar dëmtime apo thyerje të pronave të bizneseve private dhe institucioneve shtetërore. Në lidhje mbarëvajtjen e rendit, strukturat e policisë kanë ndërhyrë duke shoqëruar një person të rritur, i cili dyshohet se është përfshirë në nxitjen e të miturve dhe të rinjve për të përdorur mjete piroteknike gjatë protestës.