E ardhmja e Haaland te City në pikpyetje, përfaqësuesit e tij hapin bisedimet me Barcelonën

Erling Haaland mund të ndryshojë ambient në të ardhmen e afërt, pasi përfaqësuesit e sulmuesit norvegjez kanë nisur kontaktet zyrtare me drejtuesit e Barcelonës për një transferim të mundshëm nga radhët e Manchester Cityt. Sulmuesi 26-vjeçar thuhet se është i magjepsur nga ideja e një aventure të re në elitën e futbollit spanjoll, ndërsa katalanasit po shihen si opsioni kryesor dhe më konkret nëse ai vendos të largohet nga kampionët e Premier Ligës. Pavarësisht interesimit të fortë nga gjigantët e tjerë evropianë si Paris Saint-Germain, Real Madrid dhe Bayern Munich, pista që çon drejt “Camp Nou” mbetet ndër më të preferuarat për yllin norvegjez.