Masë disiplinore nga “Djajtë e Kuq”: Manchester United ndëshkon me gjobë Lisandro Martinezin

Klubi i njohur anglez, Manchester United, ka ndërmarrë masa disiplinore ndaj mbrojtësit të saj, Lisandro Martinez, duke e gjobitur atë pas një reagimi të tensionuar që argjentinasi pati pas disfatës kundër Atletico Madridit. Megjithatë, vetë lojtari ka konfirmuar se situata tashmë është qetësuar. Ai ka zhvilluar një bisedë sqaruese me Michael Carrickun dhe drejtuesit e lartë të klubit, ku është rënë dakord që ky incident të lihet pas. Pas mbylljes së kësaj çështjeje, mbrojtësi argjentinas është rikthyer nën urdhrat e stafit teknik dhe do të jetë plotësisht i gatshëm për sfidën e radhës në kampionat kundër Leeds Unitedit.