Zgjedhje të parakohshme në Maqedoni të Veriut? Mickoski lë të hapur çdo mundësi

Kryeministri i Republikës së Maqedonisë së Veriut, Hristijan Mickoski, ka lënë të kuptohet se një proces i mundshëm i zgjedhjeve të parakohshme nuk është plotësisht i përjashtuar, duke sugjeruar se në skenën politike asnjëherë nuk duhet thënë kurrë. Në një intervistë televizive, kreu i ekzekutivit sqaroi se, pavarësisht gatishmërisë së vazhdueshme të partisë OBRM-PDUKM për t'uballafaquar në një garë zgjedhore, fokusi kryesor i Qeverisë mbetet përmbushja e mandatit të rregullt katërvjeçar. "Në politikë gabimi më i madh është të thuash kurrë, prandaj dera duhet mbajtur gjithmonë e hapur. Edhe pse aktualisht po qeverisim me legjitimitet të plotë katër-vjeçar dhe jemi të përqendruar te synimet tona ekonomike, siç është arritja e pagës mesatare prej 60.000 denarësh, struktura jonë politike mbetet çdo herë e gatshme për zgjedhje", deklaroi ai. Sa i përket bashkëpunimit brenda koalicionit qeverisës me VLEN-in, shefi i Qeverisë u shpreh tejet i kënaqur me përfaqësimin e tyre ministerial, duke vlerësuar se bashkëpunimi po zhvillohet mbi baza të shëndosha partneriteti.