Parashikimi i motit: Diell në ultësirë, reshje shiu dhe dëbore në zonat malore

Territori shqiptar do të karakterizohet nga mot kryesisht i kthjellët përgjatë Ultësirës Perëndimore, ndërsa rajone malore të lindjes dhe juglindjes do të shfaqin vranësira kalimtare nga të lehta deri mesatare, sidomos gjatë periudhës së mesditës dhe pasdites. Këto zhvillime atmosferike në zonat e lartpërmendura do të shoqërohen me reshje shiu me intensitet të dobët, të cilat pritet të pushojnë plotësisht pas orëve të pasdites. Në të njëjtën kohë, majat malore të verilindjes dhe juglindjes së vendit pritet të përfshihen nga reshje të lehta dëbore. Sa i takon erës, ajo do të fryjë nga kuadrati i veri-verilindjes me një shpejtësi deri në 8 metra për sekondë, e cila do të fuqizohet përgjatë bregdetit dhe zonave luginore, duke arritur shpejtësi deri në 18 metra për sekondë. Ndërkohë, situata në det do të paraqitet me një valëzim që do të variojë nga i lehtë në mesatar, konkretisht me forcë nga 2 deri në 4 ballë.