Përballja e vështirë me kryesuesit, Ilir Daja zbulon synimin e Dinamos para duelit me Teutën

Dinamo është bërë gati për një provë të rëndësishme në kuadër të javës së 7-të të “Abissnet Superiore”, ku nesër do të masë forcat me Teutën. Takimi do të zhvillojë zhvillimet e veta në impiantin “Elbasan Arena”, ndërsa në prag të kësaj sfide, trajneri i kryeqytetasve, Ilir Daja, ka dalë në një konferencë për shtyp për të ndarë pritshmëritë e tij. Gjatë prononcimit për mediat, tekniku i njohur ka analizuar forcën e kundërshtarit, por ka bërë të qartë se objektivi i vetëm mbetet triumfi. “Kemi një ndeshje të fortë nesër, duke parë që përballë kemi një kundërshtar që ka treguar stabilitet në këto javë të para dhe është kryesues i kampionatit. Duke respektuar kundërshtarin që kemi përballë, jemi të detyruar të rikthehemi te fitorja. Ne do të zbresim në fushën e lojës për të marrë maksimumin”, u shpreh ai. Më tej, Daja ka vlerësuar punën e bërë gjatë gjithë javës nga grupi i lojtarëve, duke shprehur besim të plotë te gatishmëria e skuadrës për të zbatuar në fushë skemat e përgatitura. “Kemi punuar shumë për këtë ndeshje dhe lojtarët me të cilët kemi punuar këtë javë do të japin maksimumin. Sot kemi zhvilluar seancën e fundit stërvitore. Lojtarët që do ta nisin ndeshjen nga minuta e parë kanë punuar shumë mirë dhe shpresoj që skuadra të tregojë në fushën e lojës atë që kemi përgatitur me seriozitet gjatë seancave stërvitore”, përfundoi Daja.