Skandal në SHBA: 25 vite burg për sanitarin e urgjencës që ndothte ushqimin e kolegëve dhe i shiste videot

Një ngjarje e rëndë ka tronditur shërbimin e urgjencës mjekësore në kontenë e Baltimorës, në Shtetet e Bashkuara, ku një 36-vjeçar është dënuar me 25 vjet burgim. Christopher Carroll u shpall fajtor pasi kryente veprime perverse, duke masturbuar dhe ejakuluar në ushqimin e stafit me të cilin punonte, ndërkohë që ngjarjet i filmonte për t'i shitur online. Sipas hetimeve, dyshohet se Carroll kishte prodhuar të paktën 64 video të kësaj natyre, të cilat i tregtonte në internet kundrejt çmimit prej 7 dollarësh për secilën prej tyre. Ai përfundoi pas hekurave pasi gjatë muajit gusht pranoi zyrtarisht fajësinë për tri akuza të ngritura ndaj tij, që kishin të bënin me detyrimin e personave të tjerë për të konsumuar lëngje trupore. Gjatë seancës përfundimtare gjyqësore, ndihmësprokurori i kontesë së Baltimorës, Logan Fry, paraqiti para trupit gjykues prova konkrete, duke përfshirë tri video ku i pandehuri shfaqej duke u sjellë në mënyrë të turpshme, duke ejakuluar dhe urinuar në hapësira publike në pronësi të kontesë, krejtësisht pa dijeninë e viktimave të tij. Po ashtu, gjatë procesit u zbulua se 36-vjeçari kishte urinuar edhe në automjetin e dedikuar për prodhimin e kubave të akullit. Ky skandal i rëndë doli në dritë pas një hetimi intensiv disa mujor mbi veprimet e dyshimta të punonjësit të urgjencës, i cili fillimisht përballej me 20 akuza penale dhe tri akuza shtesë për dëmtim të pronës. Në sajë të marrëveshjes së lidhur mes palëve, ku i pandehuri pranoi fajësinë për tri akuzat kryesore të lidhura me lëngjet trupore, prokuroria tërhoqi akuzat e tjera. Me shpalljen e vendimit të sotëm, gjykata i dha fund këtij procesi duke e dënuar atë me 25 vite heqje lirie.