Pas mbylljes së kapitullit me Argjentinën, Lionel Messi blen superjahtin prej 10 milionë eurosh

Sulmuesi i Inter Miamit ka kurorëzuar largimin nga kombëtarja argëtinase me një investim marramendës në sektorin e luksin detar, duke shtuar në koleksionin e tij një mjet lundrues të prodhuesit të njohur "Sunreef". Në moshën 39-vjeçare, ylli i futbollit ka vendosur të shpërblejë veten pas një karriere të jashtëzakonshme me ngjyrat e vendit të tij, duke blerë modelin ekskluziv "Ultima 88", vlera e të cilit llogaritet mes 8 dhe 10 milionë eurove. Jahti luksoz, i cili arrin një gjatësi prej 28 metrash, fuqizohet nga dy motorë të fuqishëm me nga 1000 kuajfuqi secili, duke garantuar performancë dhe komoditet maksimal në det të hapur. Kjo perlë e detit shquhet për arkitekturën e saj moderne, teknologjinë e avancuar dhe elegancën e spikatur, ndërsa hapësirat e brendshme përfshijnë shtatë kabina madhështore, një pishinë hidromasazhi, zona të dedikuara për çlodhje dhe një garazh të përshtatshëm për mjetet ujore. Duke komentuar këtë blerje të re, vetë futbollisti u shpreh se lundrimi ka qenë gjithmonë një pasion i madh për të dhe familjen e tij. “Unë dhe familja ime kemi dashur gjithmonë ta kalojmë kohën në det. Këto jahte dallohen për stilin dhe karakteristikat që u përgjigjen në mënyrë perfekte rrethanave tona. Mezi po pres ta provoj”, – deklaroi Messi.