Goditje e rëndë për zikaltrit: Lautaro Martinez dëmtohet dhe humbet derbin e madh

Klubi i Interit ka pësuar një goditje të rëndë në repartin e sulmit, pasi do të duhet të bëjë pa shërbimet e kapitenit dhe liderit të saj, Lautaro Martinez, për një periudhë prej një muaji. Sulmuesi argjentinas ka pësuar një dëmtim muskulor gjatë sfidës së luajtur në “San Siro” kundër Bryzhit. Mëngjesin e sotëm, futbollisti është paraqitur në Institutin Humanitas në Rozano të Milanos, ku iu është nënshtruar kontrolleve të detajuara mjekësore. Ekzaminimet kanë konfirmuar praninë dun dëmtimi në muskujt e kofshës së majtë, duke detyruar stafin mjekësor të përcaktojë një kohë rikuperimi prej rreth 30 ditësh. Kjo mungesë e gjatë do të thotë se argjentinasi do të detyrohet të qëndrojë larg fushave të blerta në një seri ndeshjesh kyçe për sezonin e zikaltërve, duke përfshirë edhe derbin e shumëpritur ndaj Milanit, i programuar për t'u zhvilluar më 31 tetor. Kalendari i ndeshjeve që Lautaro Martinez do t'i humbasë për shkak të këtij dëmtimi përfshin sfidën Bologna-INTER (Java e 7-të e Serie A), INTER-Shakhtar (Java e 3-të e Champions League), INTER-Fiorentina (Java e 8-të e Serie A), Venezia-INTER (Java e 9-të e Serie A), Milan-INTER (Java e 10-të e Serie A), Feyenoord-INTER (Java e 4-të e Champions League), si dhe sfidën INTER-Como (Java e 11-të e Serie A).