Emma-Louise Connolly rrëmben vëmendjen me setin e ri fotografik në të brendshme dantelle

Modelja e njohur britanike, Emma-Louise Connolly, ka pushtuar rrjetet sociale me paraqitjen e saj më të fundit, ku shfaqet e veshur me të brendshme fine prej dantelle, në kuadër të fushatës promocionale për linjën e re që vjen si bashkëpunim mes dy markave prestigjioze, “Marks & Spencer” dhe “Coco de Mer”. Tridhjetëe-pesëvjeçarja ka realizuar një sërë pozash provokuese, të cilat nxjerrin në pah linjat e saj fizike, duke përfshirë edhe përmasat e gjoksit të saj 32E. Së bashku me imazhet tërheqëse, ajo ka përcjellë edhe një reflektim personal lidhur me trupin e saj, duke përmendur dy fëmijët që ka në jetë me bashkëshortin e saj, Oliver Proudlock: vajzën Bonnie katër vjeç dhe djalin Levi 17 muajsh. Connolly ka pranuar hapur se ndjehet tejet krenare për formën e saj fizike, sidomos pas sfidave të dy shtatzënive dhe lindjeve. Përmes një postimi plot humor, ajo u shpreh se nëse dikur dikush do t'i thoshte se do të zgjidhej nga “Marks & Spencer” për këtë fushatë në bashkëpunim me “Coco de Mer”, ajo fillimisht do të çuditej dhe më pas do të largohej me shpejtësi, duke marrë parasysh se trupi i saj kishte ushqyer dhe sjellë në jetë dy fëmijë. Pavarësisht kësaj, ajo theksoi se ndihet jashtëzakonisht krenare për mënyrën se a u zhvillua ky projekt dhe për bashkëpunimin tashmë katërvjeçar që ka me këtë markë. Ajo vuri në dukje se i gjithë procesi i xhirimeve u udhëhoq nga një ekip ekskluzivisht femëror, duke e cilësuar këtë eksperiencë si një shtysë të fuqishme pozitive dhe frymëzuese. “Jam krenare për trupin tim dhe e lumtur që punova me një ekip kaq të mrekullueshëm. Një ekip tërësisht femëror, energji femërore dhe një ‘po’ e madhe nga ana ime”, u shpreh ajo ndër të tjera. Në prononcimin e saj, modelja shtoi se është veçanërisht e entuziazmuar për këtë koleksion të ri, pasi sipas vlerësimit të saj, rripat e të brendshmeve janë konceptuar me kujdes të veçantë për të qenë elegante dhe komode edhe për gratë që kanë përmasa më të mëdha të gjoksit. Koleksioni i ri, frut i bashkëpunimit ndërmjet “Marks & Spencer” dhe “Coco de Mer”, tashmë ka dalë në treg dhe është i hapur për blerje nga të gjithë të interesuarit.