Konfiskimi i pasurisë: IKD del me gjashtë amendamente para miratimit të projektligjit për Byronë

Instituti i Kosovës për Drejtësi (IKD) ka dorëzuar ditën e enjte një hulumtim parlamentar, i cili përmban gjashtë propozime konkrete për ndryshimin dhe plotësimin e projektligjit që rregullon funksionimin e Byrosë Shtetërore për Verifikimin dhe Konfiskimin e Pasurisë së Pajustifikueshme. Dokumenti hulumtimor, i cili mban titullin “Ndërhyrjet e nevojshme para miratimit përfundimtar të Ligjit për Byronë”, ka për qëllim parësor ofrimin e rekomandimeve dhe përmirësimin e këtij drafti ligjor përpara se ai të kalojë në fazën e votimit përfundimtar.