Nagavci kërkon masa ndërkombëtare ndaj aspiratave territoriale të Serbisë dhe mbrojtje për shqiptarët

Kryetarja e Grupit Parlamentar të Lëvizjes Vetëvendosje, Arbërie Nagavci, ka kërkuar një reagim të prerë dhe ndëshkimin me masa konkrete të synimeve territoriale që Serbia shfaq ndaj Kosovës. Gjatë prononcimit të saj, ajo ka vënë theksin te nevoja urgjente për dorëzimin e kriminelit serb Milan Radoiçiq tek organet e drejtësisë, si dhe ka denoncuar trajtimin diskriminues që po u bëhet qytetarëve shqiptarë që jetojnë në territorin e Serbisë. Në këtë kuadër, Nagavci ka sjellë në vëmendje edhe deklaratën e ish-zyrtarit të lartë serb, Ivica Daçiq, i cili kishte paralajmëruar se simbolet shtetërore të Serbisë do të vendosen sërish në Kosovë.