Gëzim i papritur në Hollywood, aktorja e njohur fituese e “Oscar”-it pret fëmijë në moshën 52-vjeçare

Aktorja e njohur e kinematografisë botërore, Hilary Swank, dhe bashkëshorti i saj, Philip Schneider, janë në pritje të zgjerimit të familjes së tyre. Fituesja e çmimit prestigjioz “Oscar”, në moshën 52-vjeçare, ka zgjedhur rrjetin social Instagram për të ndarë këtë lajm të gëzueshëm me ndjekësit dhe fansat e saj në mbarë botën. Në videon e publikuar, ajo së bashku me familjen shfaqet duke kërcyer në errësirë, e veshur me shkopinj ndriçues në trup, ndërsa në pamje dallohet qartë se ajo është në pritje të një fëmije të ri. “Shumë njerëz më kanë pyetur se çfarë projekti do të sjell së shpejti, ky do të publikohet në dhjetor”, ka shkruar Hilary në mbishkrimin e postimit të saj në Instagram, duke paralajmëruar me humor këtë kapitull të ri të jetës.