Mesazhi i Këshillit Hyjnor për kryeministrin: Nga pushteti te llogaridhënia dhe paralajmërimet e forta

Pasi ka shqyrtuar një video të publikuar në rrjetin social Facebook, Këshilli Hyjnor, përmes një autorizimi të veçantë të lëshuar nëpërmjet Lis Bukurocës, ka përgjigjur publikisht në emër të Krijuesit, duke i drejtuar një mesazh të drejtpërdrejtë dhe kritik kreut të qeverisë, Edi Rama. Sipas mesazhit, lartësia trupore e Kryeministrit i është dhënë për të dalluar më mirë shtresat në nevojë, të varfrit dhe të dobëtit në distancë, e jo për të shpërfillur ata që i gjenden pranë. Ky atribut fiziko-metaforik, sipas të njëjtit burim, shërbehej për të mbikëqyrur bashkëpunëtorët dhe jo për të mbyllur sytë para gabimeve apo shkeljeve të tyre. Në tekst hudhet dritë edhe mbi largimet e zyrtarëve të lartë nga kabineti qeveritar. Këshilli Hyjnor sqaron se largimet nuk po bëhen nga vetë Kryeministri, por po ndërmerren nga Struktura e Posaçme Antikorrupsion (SPAK), duke përmendur rastet e Arben Ahmetajt, Belinda Ballukut dhe Vlora Hysenit, të cilët sipas mesazhit janë përballur me drejtësinë. Kryetari i ekzekutivit qortohet gjithashtu për përdorimin e gjuhës publike, e cila i ishte dhënë për të kontrolluar mendimet e jo për të fyer apo për ta shndërruar fjalorin në një 'kazan' kur mungojnë argumentet. Peneli dhe podiumi, siç thuhet në letër, nuk i takojnë për të parë qytetarët nga lart-poshtë, por për të pikturuar realitetin pa ndikime dhe për të mbrojtur interesat e shqiptarëve dhe të Dardanisë. Mesazhi e paralajmëron kreun e qeverisë kundër vetëkënaqësisë, besimit se është i pagabueshëm apo i pazëvendësueshëm, duke e ftuar të lexojë dhe të mësojë nga Mark Aureli. Përmendet gjithashtu se pushteti jepet nga lart, por fati i qëndrimit në të vendoset nga vetë populli, i cili tashmë po kërkon ndryshim për shkak të degradimit moral të rrethit afër tij. Në fund të deklaratës dërgohet një thirrje e fortë paralajmëruese për të ardhmen dhe llogaridhënien e pashmangshme para drejtësisë hyjnore, ku bëhet e ditur se paketa e ndëshkimit mbetet gati si për të ashtu edhe për Sali Berishën, në një gjykatë ku nuk ekziston as Apeli dhe as Gjykata e Strasburgut. Letra mbyllet me një përshëndetje dhe qortim qiellor, e lëshuar në emër dhe me autorizim të Zotit.