Kompany shpërthen ndaj lojtarëve të Bayernit pas gabimeve fatale: Humbasim përqendrimin dhe marrim vendime të gabuara

Trajneri i Bayern Munichut, Vincent Kompany, ka shprehur hapur pakënaqësinë e tij me paraqitjen e futbollistëve, përfshirë edhe Michael Olisen, pas lëshimeve të njëpasnjëshme që i kanë kushtuar shtrenjtë skuadrës në takimet e fundit. “Është tërësisht faji ynë. Vazhdojmë të humbasim përqendrimin dhe të marrim vendime të gabuara”, deklaroi strategu belg, duke vënë në dukje se në radhët e ekipit të tij është shfaqur edhe një dukuri e vetëbesimit të tepruar. Kompany është ndalur në veçanti te ndëshkimi me kartonin e dytë të verdhë të Michael Olises, të cilin e ka vlerësuar si një veprim të papjekur. “Kartoni i dytë i verdhë i Michael Olises ishte padyshim një gabim budallallëk. Këtë ia kemi bërë shumë të qartë”, u shpreh ai. Pavarësisht kësaj, kreu i stolin bavarez nuk mendon se grupit i mungon angazhimi apo forca fizike, pasi lojtarët po japin maksimumin në stërvitje. Sipas tij, ngërçi qëndron te lëshimet e papranueshme që pengojnë arritjen e fitoreve. “Është e vështirë të fitosh ndeshje kur bën gabime të tilla, edhe kur je qartësisht skuadra më e mirë në fushë”, përfundoi Kompany.