Tensionet në Tiranë, Ambasada Britanike: Protesta paqësore po, por dhuna dhe shkatërrimi janë të papranueshme

Përplasjet e ndodhura gjatë ditës së dytë të tubimit të zhvilluar para Ministrisë së Arsimit në kryeqytet kanë sjellë edhe reagimin zyrtar tëfaqes diplomatike të Britanisë së Madhe në Shqipëri. Nëpërmjet një deklarate të bërë publike në rrjetet sociale, kjo ambasadë ka theksuar se liria e shprehjes dhe e protestës janë parime të sanksionuara qartë në Kushtetutën e vendit, të cilat meritojnë mbrojtje. Megjithatë, përfaqësia diplomatike ka bërë të qartë se tubimet nuk mund të shërbejnë si mburojë për aktet e dhunës apo për dëmtimin e pasurive publike dhe private, duke shtuar njëkohësisht se reagimi i forcave të rendit nuk duhet të jetë asnjëherë joproporcional. Në përmbyllje të këtij reagimi, Ambasada Britanike u ka bërë thirrje të gjithë aktorëve të përfshirë që të tregojnë maturi, të respektojnë kornizën ligjore dhe të angazhohen drejt uljes së tensioneve.