Dorëheqja e ambasadores në Greqi, Trump: Nuk isha i kënaqur me raportimet e fundit

Presidenti amerikan, Donald Trump, ka reaguar për herë të parë pas vendimit të Shtëpisë së Bardhë për t’i kërkuar dorëheqjen ambasadores në Greqi, Kimberly Guilfoyle. Në një prononcim për mediat, kreu i Shtëpisë së Bardhë u pyet nëse ndihej i befasuar nga zhvillimet rreth diplomates, duke marrë parasysh afërsinë e saj me familjen e tij. Trump konfirmoi se Guilfoyle, e cila në të kaluarën ka qenë në një lidhje me djalin e tij, kishte shfaqur performancë të mirë në detyrën e saj diplomatike. Megjithatë, ai sqaroi se vendimi për largimin e saj erdhi si pasojë e informacioneve shqetësuese që kishin mbërritur në zyrat e tyre. “Ajo ishte në Greqi dhe po kryente një punë të mirë, por thjesht nuk na pëlqeu ajo që lexuam në raportimet e fundit”, deklaroi Trump, duke shtuar se deri në atë moment nuk kishte pasur asnjë komunikim të drejtpërdrejtë me ambasadoren. Shtëpia e Bardhë e kishte konfirmuar më herët kërkesën për dorëheqjen e Guilfoyle, duke e ndërlidhur këtë vendim me shkrimet e shumta mediatike që flisnin për skandale të ndryshme të përfshira në emrin e saj.