Reagimi i fuqishëm i Donika Gërvallës pas vendimit për ish-krerët e UÇK-së merr mbështetjen e ish-ushtarakut Hafi Hoxha

Ministrja e Drejtësisë, Donika Gërvalla, ka thyer heshtjen lidhur me vendimin e fundit të dhënë për ish-drejtuesit e Ushtrisë Çlirimtare të Kosovës, duke dhënë qëndrimin e saj zyrtar për këtë çështje. Gërvalla ka bërë të ditur se dokumenti i plotë i aktgjykimit pritet të bëhet publik në një të ardhme të afërt. Ajo ka drejtuar kritika të ashpra ndaj kritikëve të saj, të cilët i ka akuzuar se kanë përhapur informacione të rreme dhe e kanë sulmuar padrejtësisht me etiketime të ndryshme. “Aktgjykimi i plotë do të vijë shpejt. E kam një shpresë, ata që kanë bërtitur më shumë në këtë lëmi, ata që më së shumti më kanë etiketuar, të paktën para pasqyrës të skuqen që nuk kanë dëgjuar faktet, por kanë zgjedhur t’i përsërisin gënjeshtrat që i kanë vënë vet në qarkullim”, ka deklaruar Gërvalla. Pas këtij deklarimi të ministres, ka ardhur menjëherë edhe reagimi i ish-ushtarakut Hafi Hoxha, i cili i ka dalë në mbrojtje duke i dhënë mbështetje publike. “KURRË nuk kam besuar as nuk besoi se Donika e Gërvallëve mundet të jetë kundër interesave shqiptare-kombëtare!”, ka shkruar Hoxha.