Bashkëpunimi ushtarak, gjeneral brigade Mehmet Lladrovci pret në takim komandantin e lartë turk

Komandanti i Forcave Tokësore të Forcës së Sigurisë së Kosovës, gjeneral brigade Mehmet Lladrovci, ka mirëpritur në një takim zyrtar komandantin e Komandës së Përbashkët Strategjike Ndërkombëtare, gjenerallejtënant Sebahattin Kilinç, i cili po shoqërohej nga delegacioni i tij. Sipas komunikatës zyrtare, takimi u zhvillua në ambientet e Komandës së Forcave Tokësore, ku u shkëmbyen mendime rreth ecurisë së proceseve zhvillimore të FSK-së, duke i dhënë theks të veçantë fuqizimit dhe modernizimit të kapaciteteve të kësaj komande. Gjatë bisedimeve, përfaqësuesit e shtetit turk prezantuan praktikat dhe eksperiencën e Forcave të Armatosura të Turqisë, me qëllim mbështetjen e zhvillimit profesional dhe ngritjen e standardeve të trupave të FSK-së. Me këtë rast, u vu inati theks te rëndësia e programeve të shkollimit dhe trajnimeve ushtarake që ofrohen në Turqi. Në mbyllje të këtij takimi, të dyja palët konstatuan se bashkëpunimi mes dy ushtrive është në nivele të shkëlqyera, duke rikonfirmuar vullnetin e përbashkët për zgjerimin dhe intensifikimin e mëtejshëm të partneritetit strategjik.