Tensionet në Lindjen e Mesme: Donald Trump hedh poshtë propozimin e Teheranit për Ngushticën e Hormuzit

Kreu i Shtëpisë së Bardhë, Donald Trump, ka deklaruar më 26 shtator se ka hedhur poshtë planin e paraqitur nga Irani, i cili parashikonte rihapjen brenda një jave të Ngushticës jetike të Hormuzit, duke e konsideruar një ofertë të tillë si totalisht të papranueshme. Dukefolur para gazetarëve jashtë selisë presidenciale, Trump u shpreh se nuk pranon një dakordësim të tillë. Ai theksoi se iranianët po kërkojnë një marrëveshje të shpejtë për zhbllokimin e kalimit ujor pasi po pësojnë humbje të mëdha, duke shtuar se pavarësisht se pëlqen të negociojë, kjo alternativë nuk plotëson kushtet e duhura. Një ditë më herët, kryediplomati iranian, Abbas Araqchi, bëri të ditur se autoritetet në Teheran kishin dorëzuar në Uashington një propozim të mirëfilltë për rikthimin e lundrimit në ngushticë, i cili mbështetjen e tij te masa të ngjashme me ato të parashikuara në memorandumin e nënshkruar nga të dyja palët në Islamabad gjatë muajve të parë të këtij viti. Bllokimi de facto i këtij aksi strategjik ka përbërë pengesën kryesore diplomatike për arritjen e një armëpushimi ose marrëveshjeje paqeje mes Shteteve të Bashkuara dhe Iranit. Si kundërpërgjigje ndaj bombardimeve amerikane dhe izraelite, në fillimin e konfliktit të shpërthyer në fund të muajit shkurt, Teherani kufizoi lëvizjen e anijeve në ngushticë, veprim ky që tronditi tregjet ndërkombëtare të naftës dhe solli një hov të menjëhershëm të çmimeve. Nga ana e saj, administrata amerikane u kundërpërgjigj me një bllokadë detare ndaj republikës islamike, duke devijuar dhe ndaluar çdo anije që synonte të ankorohej në portet iraniane. Në fjalën e tij, presidenti Trump u shpreh se Uashingtoni ushtron “kontroll të plotë” mbi Ngushticën e Hormuzit. Ai bëri me dije se vëllime të konsiderueshme “nafte” vijojnë të qarkullojnë përmes kësaj arterie detare, ku vetëm gjatë ditës së fundit janë regjistruar 29 kalime anijesh. “Ata ia kanë dalë të mashtrojnë veten”, u shpreh ndër të tjera kreu i shtetit amerikan. Më tej, Trump nënvizoi se përmes vendosjes së bllokadës detare, Shtetet e Bashkuara i kanë hequr Teheranit një nga burimet kryesore financiare të ekonomisë së tij. “Tani nuk kanë para, sepse donin ta mbyllnin ngushticën dhe ne ua mbyllëm atyre”, përfundoi ai.