Zbardhet misteri i Buçës: Provat balistike lidhin snajperin rus me ekzekutimin e civilëve ukrainas

Një hetim i thelluar ka hedhur dritë të re mbi krimet e kryera gjatë okupimit rus të Buçës në vitin 2022, duke lidhur drejtpërdrejt një snajper ushtarak me disa vrasje dhe sulme ndaj popullsisë civile. Sipas autoriteteve hetimore ukrainase, një kombinim i provave balistike, incizimeve nga kamerat e sigurisë, dëshmive të qytetarëve dhe të dhënave nga hulumtimet e mëparshme investigative, çojnë tek identiteti i ushtarakut Artem Dementyev. Ky i fundit, pjesë e Regjimentit të 234-t të Sulmeve Ajrore të Rusisë, dyshohet fuqishëm se është i përfshirë në të paktën pesë vrasje, si dhe në akte brutale torture, rrahjesh dhe ndalimesh arbitrare gjatë asaj periudhe. Kujtojmë se agresioni ushtarak rus në territorin e Ukrainës filloi në vitin 2022, duke lënë pas dëme të rënda dhe një numër të lartë viktimash civile.