Ndryshimet ligjore për Specialen, Gruda: Asnjë komandant i UÇK-së nuk do të mund të arrestohet më

Përparim Gruda, deputet i Partisë Demokratike të Kosovës (PDK), ka bërë të theksueshme pasojat dhe ndikimin e drejtpërdrejtë që do të sjellë hyrja në fuqi e ligjit të ri për Gjykatën Speciale. Sipas tij, me kalimin dhe fuqizimin e ndryshimeve në legjislacionin që rregullon funksionimin e Dhomave të Specializuara, kjo gjykatë do ta humbasë mundësinë ligjore për të arrestuar qoftë edhe një komandant të vetëm të Ushtrisë Çlirimtare të Kosovës për dyshimet rreth krimeve të luftës. Gjatë një paraqitjeje në emisionin televiziv “Debat Plus”, Gruda njoftoi se brenda dy ditësh ky projektligj do t'i përcillet presidentes së vendit për dekretim dhe nënshkrim zyrtar. “Nuk mundet asnjë komandant i UÇK-së me u arrestu prej Hagës pas ligjit. Në momentin që hyn ky ligj, nuk mundet me u arrestu asnjë komandant i UÇK-së për krime lufte prej Gjykatës Speciale”, ka deklaruar ndër të tjera Gruda.