Tragjedi në Ferizaj: Humb jetën punëtori pas rrëzimit nga lartësia e skelës

Një ngjarje e rëndë ka tronditur qytetin e Ferizajt, ku një qytetar ka ndërruar jetë gjatë orarit të punës, pasi dyshohet se ka rënë nga një lartësi prej rreth shtatë metrash. Sipas njoftimit zyrtar nga Policia, incidenti fatal ka ndodhur gjatë ditës së djeshme, rreth orës 15:50, në rrugën “Cen Dugolli” në qytetin e Ferizajt, ndërkohë që viktima po kryente detyrat e tij profesionale. Përkundër ndërhyrjes së menjëhershme të autoriteteve shëndetësore, ekipi mjekësor në vendngjarje nuk ka mundur të bëjë asgjë përveçse të konstatojë vdekjen e shtetasit kosovar. Menjëherë pas marrjes së informatës, njësitë relevante policore kanë dalë në terren për të hetuar rrethanat. Me urdhër të prokurorit kujdestar, trupi i pajetë i viktimës është dërguar në Institutin e Mjekësisë Ligjore për t'i-u nënshtruar obduksionit. Ndërkohë, organet e rendit dhe drejtësisë kanë nisur hetimet zyrtare për zbardhjen e plotë të shkaqeve dhe përgjegjësive që çuan në këtë ngjarje fatale.