Tronditet Fieri në mesnatë: Lëndë plasëse shprthen në një biznes privat, dëme materiale

Një ngjarje e rëndë ka tronditur qytetin e Fierit gjatë orëve të para të mëngjesit të sotëm, ku rreth orës 02:00 është shënuar një shpërthim me lëndë eksplozive në një biznes privat. Sipas informacionit zyrtar, incidenti ka ndodhur në lagjen “Kastriot”, ku është vënë në shënjestër subjekti në pronësi të shtetasit A. K., duke i shkaktuar dëme materiale dhe duke dëmtuar derën e jashtme të ambientit. Fatmirësisht, nga ky shpërthim janë regjistruar vetëm dëme materiale dhe nuk raportohet për asnjë person të lënduar. Forcat e rendit kanë mbërritur në vendngjarje menjëherë pas marrjes së njoftimit dhe kanë nisur hetimet intensive. Grupi hetimor po punon pa ndërprerje për të zbardhur rrethanat e këtij incidenti, si dhe për të bërë të mundur identifikimin dhe kapjen e autorit ose autorëve përgjegjës.