E ardhmja e pasigurt e Van Dijk shtyn Liverpoolin drejt yllit të Serie A

Edhe pse ka mbushur moshën 35-vjeçare, Virgil van Dijk vazhdon të ruajë statusin e njërit prej mbrojtësve më elitarë në futbollin botëror. Megjithatë, perspektiva e mbrojtësit holandez te Liverpooli mbetet e paqartë. Marrëveshja e tij aktuale do të përfundojë në qershor të vitit 2027 dhe, deri më tani, palët nuk kanë ndërmarrë ndonjë hap konkret drejt vazhdimit të bashkëpunimit. Në këtë situatë, drejtuesit e klubit anglez kanë nisur lëvizjet e para për të identifikuar pasardhësin e tij, duke e kthyer vëmendjen nga Alessandro Bastoni. Prapavija e Interit konsiderohet si dëshira kryesore për të mbuluar boshllëkun e mundshëm që mund të lërë kapiteni i “Reds”. Pavarësisht interesimit, shkëputja e mbrojtësit italian nga zikaltrit paraqitet si një mision tejet i vështirë, duke marrë parasysh peshën e tij në formacion. Gjatë merkatos së verës së shkuar, emri i Bastonit u lidh me një kalim të mundshëm te Real Madridi apo Barcelona, por klubi italian e bëri të qartë qëndrimin e tij duke vendosur një çmim prej 70 milionë eurosh si kusht të panegociueshëm. Për momentin mbetet për t'u parë nëse zikaltrit do të insistojnë sërish në të njëjtën shifër gjatë merkatos së verës së ardhshme, apo nëse do t'i shtojnë pretendimet financiare për kartonin e tij.