Përballja Shqipëri-Bjellorusi: Kuqezinjtë dominojnë ndjeshëm në tregun e vlerave

Përtej statistikave të fushës dhe bilancit direkt, një tjetër tregues domethënës paraprin këtë sfidë të rëndësishme: hendeku i ndjeshëm financiar mes dy kombëtareve. Sipas të dhënave të specializuara të tregut, Kombëtarja e Shqipërisë kap një vlerë totale prej afërsisht 100.18 milionë eurosh, ndërkohë që Përfaqësuesja e Bjellorusisë llogaritet rreth 19.60 milionë euro. Kjo diferencë prej më shumë se 80 milionë eurosh dëshmon se skuadra kuqezi është afërsisht pesë herë më e vlefshme në treg. Pabarazia bëhet edhe më e dukshme kur analizohen shifrat në nivel individual. Në radhët e Kombëtarja shqiptare, Anis Mehmeti mban primatin si futbollisti me kuotimin më të lartë në treg, ku kartoni i tij kap shifrën e 15 milionë eurove. Mesfushori ofensiv, i cili luan për skuadrën e Ipsuiç Taun, përbën një nga shtyllat kryesore ekonomike dhe sportive të grupit kuqezi. Në krahun tjetër, te Bjellorusia lojtari më i kuotuar është portieri Fedor Lapoukhov, i cili luan me CSKA Sofia dhe vlerësohet në treg rreth 2.5 milionë euro. Kjo do të thotë se vetëm kartoni i Mehmetit kushton rreth gjashtë herë më shumë sesa lojtari më i shtrenjtë bjellorus. Në këtë mënyrë, në prag të ndeshjes mes Shqipërisë dhe Bjellorusisë, panorama statistikore favorizon ndjeshëm kuqezinjtë, të cilët përveç dy fitoreve radhazi në përballjet e fundit direkte, gëzojnë edhe një epërsi të jashtëzakonshme financiare të organikës së tyre.