Chivu paralajmëron rrezikun nga Club Brugge: Skuadër me identitet, por Interi është gati për betejë

Trajneri i Interit, Chivu, ka dalë para mediave në konferencën për shtyp në prag të ndeshjes së rëndësishme kundër Club Brugge në Ligën e Kampionëve, duke analizuar sfidën e radhës dhe situatën e grupit. “E dimë që duhet të luajmë shtatë ndeshje dhe të japim gjithçka për t’u kualifikuar. Club Brugge është një ekip me identitet, ata janë proaktivë në të dyja fazat, nuk do të jetë e lehtë. Në Ligën e Kampionëve, asnjë ndeshje nuk është e lehtë”, u shpreh fillimisht tekniku zikaltër. Duke folur për mundësinë e ndryshimeve në formacion gjatë prononcimit të tij për Sky Sport, ai theksoi rëndësinë e menaxhimit të energjive: “Rotacioni? Në ndeshjet që përballemi, na duhet energji dhe vendosmëri, dhe ne marrim vendime bazuar në këtë. Kemi një skuadër të fortë, e cila sjell talent individual në grup. Calhanoglu? Askush nuk duhet ta vërë kurrë në dyshim vlerën e tij, do të shohim se si do t’i menaxhojmë gjërat. Kemi nevojë për të gjithë, luajmë çdo tre ditë. Nuk do ta vëmë në rrezik integritetin fizik të lojtarëve”. Në fund, kreu i stafit teknik të Interit u ndal te objektivat e klubit në këtë kompeticion evropian, duke ruajtur ekuilibrin mes ambicies dhe realizmit: “A është Liga e Kampionëve një ëndërr apo një mundësi? Të gjithë duhet të jemi të kujdesshëm me këtë pyetje. Nëse përgjigjesh me një ëndërr, por e vendos titullin si objektiv, kjo nuk është e njëjta përgjigje. Është e drejtë që Interi ka ambicien të shkojë sa më larg që të mundet, duke ëndërruar se mund të shkojë larg”.