Kthehet moti i paqëndrueshëm: Maqedonia e Veriut përfshihet nga reshje shiu dhe erëra të fuqishme nga nesër

Republika e Maqedonisë së Veriut pritet të hyjë në një fazë të motit të paqëndrueshëm, si pasojë e depërtimit të një mase ajri të lagësht e cila do të kushtëzojë vranësira të ndryshueshme dhe reshje të kohëpaskohshme shiu në të gjithë vendin. Sipas parashikimeve të Drejtorisë për Punë Hidrometeorologjike (DPHM), duke filluar nga dita e nesërme e deri në prag të fundjavës së ardhshme, rajoni do të ndikohet nga erëra mesatare deri të fuqishme nga drejtimi i veriperëndimit, të cilat në momente të caktuara pritet të jenë mjaft intensive. Sa i përket parametrave termikë, dita e nesërme do të karakterizohet me vranësira dhe reshje lokale shiu, ku vlerat minimale të temperaturave do të lëvizin nga 8 deri në 16 gradë Celsius, ndërsa ato maksimale do të arrijnë ndërmjet 14 dhe 22 gradë Celsius. Ndërkaq, në kryeqytet, në Shkup, situata meteorologjike do të jetë e përafërt me pjesën tjetër të vendit, ku termometri në orët e mëngjesit do të shënojë 14 gradë Celsius, ndërsa gjatë ditës temperatura maksimale do theksohet deri në 20 gradë Celsius.