As moti i ftohtë e shiu s'i ndalin: Bashkatdhetarët në Finlandë ngrihen në protestë kundër vendimit të Speciales

Vala e pakënaqësisë dhe reagimeve kundër vendimit të Gjykatës Speciale ka përfshirë edhe diasporën shqiptare, e cila po organizon tubime anembanë botës. Shkak për këto protesta është bërë aktgjykimi që dënoi me gjithsej 81 vjet burgim katër ish-drejtuesit e Ushtrisë Çlirimtare të Kosovës: Hashim Thaçi, Kadri Veseli, Jakup Krasniqi dhe Rexhep Selimi. Në kuadër të këtyre reagimeve, një numër i konsiderueshëm bashkatdhetarësh janë bashkuar sot në kryeqytetin e Finlandës, Helsinki. Pavarësisht kushteve atmosferike me shi dhe temperaturave të ulëta, ata dolën në shesh për të shprehur hapur indinjatën e tyre të thellë ndaj vendimit të marrë nga Dhomat e Specializuara.