Gabimi strategjik në Singapor, Lewis Hamilton shpërthen në ndjjesë publike ndaj Ferrarit

Piloti britanik Lewis Hamilton i ka kërkuar sërish falje skuadrës së Ferrarit, pas dështimit strategjik në Çmimin e Madh të Singaporit në Formula 1, garë në të cilën ai u rendit i gjashti, pavarësisht shanseve reale për të siguruar një vend në podium. Kthesa e gabuar e ngjarjeve erdhi kur shtatë herë kampioni i botës vendosi të shmangte hyrjen në pit-stop për të ndërruar gomat gjatë fazës së Makinës Virtuale të Sigurisë, një zgjedhje kjo që u dëshmua fatale për ritmin e tij në metrat e fundit të garës. Për pasojë, ai humbi pozicionet para shokut të skuadrës, Charles Leclerc, Kimi Antonellit, si dhe dy pilotëve të skuderisë McLaren, Lando Norris dhe Oscar Piastri. “Është një mësim i dhimbshëm, por marr përgjegjësinë e plotë për vendimet që mora”, shkroi ndër të tjera Hamilton në rrjetin social Instagram, duke nënvizuar se ky pozicion përfundimtar nuk përmbushte aspak potencialin e vërtetë të bolidit gjatë fundjavës. Në këtë linjë, edhe drejtuesi i ekipi të Ferrarit, Frederic Vasseur, pranoi se strategjia ishte e gabuar, por mbrojti skuadrën duke theksuar se faji nuk duhet t'i faturohet kolektivit. “Duke analizuar epilogun, është e qartë se ishte një llogaritje e gabuar dhe një zgjedhje jo e duhur”, u shpreh Vasseur për mediat e njohura sportive. Tashëm, spektakli i Formula 1 do të zhvendoset në Shtetet e Bashkuara të Amerikës, ku pista e Austin do të presë garën e radhës në periudhën nga 23 deri më 25 tetor.