Krime lufte në Zveçan: Prokuroria Speciale ngre aktakuzë ndaj Milojko Gjorgjeviqit për vrasjen e civilëve

Prokuroria Speciale e Republikës së Kosovës ka zyrtarizuar aktakuzën për krime lufte kundër popullsisë civile ndaj të pandehurit Milojko Gjorgjeviq. Sipas hetimeve, gjatë periudhës së luftës në Kosovë, i dyshuari në bashkëkryerje me pjesëtarë të forcave policore serbe akuzohet se ka marrë pjesë në vrasjen e tre civilëve, dëbime masive të popullsisë, trajtim çnjerëzor, si dhe në shkatërrimin e pronave në territorin e Komunës së Zveçanit.