Ben Affleck thyen heshtjen pas divorcit: Çfarë mendon vërtet sot për Jennifer Lopez

Aktori dhe regjisori i njohur, Ben Affleck, ka ndarë së fundmi mendimet e tij rreth ish-bashkëshortes Jennifer Lopez, gjatë një interviste të realizuar dy vjet pas ndarjes së bujshme të çiftit. Duke qenë producent i filmit "Kiss of the Spider Woman", ku Lopez mban rolin kryesor, 54-vjeçari u pyet lidhur me faktin se pse ajo shpesh anashkalohet nga industria e kinematografisë në Hollywood. Ai pranoi se mund të jetë subjektiv, por nuk la pa vlerësuar lart talentin e saj artistik. "Kam respekt dhe admirim të madh për atë që ajo mund të bëjë", u shpreh aktori gjatë bisedës, duke shtuar se bota e filmit është një treg subjektiv ku sukseset komerciale jo gjithmonë përkojnë me shijet e tij personale. Sipas tij, vlerësimet dhe çmimet në kinematografi nuk pasqyrojnë gjithmonë meritat e vërteta të individit. "Në fund të fundit, është thjesht një grup njerëzish që votojnë për çmimet e filmave", theksoi fituesi i dy çmimeve Oscar. Gjatë së njëjtës intervistë, Affleck preku edhe një herë tjetër kontributin e ish-gruas së tij, duke përmendur gjithashtu Jennifer Garner. Ai vlerësoi përkushtimin e tyre për të ndërtuar me sukses karriera të qëndrueshme në këtë industri, duke pranuar se bëhet fjalë për një punë të jashtëzakonshme që vetë ai nuk do të mund ta bënte. Kujtojmë se Jennifer Lopez kishte dorëzuar kërkesën zyrtare për divorc në muajin gusht të vitit 2024, pas një martese dyvjeçare. Dy ish-partnerët, të cilët dikur kishin ndarë edhe ekranin së bashku në projektin kinematografik "Gigli", i dhanë fund zyrtarisht martesës së tyre në janar të vitit 2025.