Zelensky pas fjalëve të Trumpit për armëpushim: Rusia na goditi sërish në Kharkiv

Kreu i shtetit ukrainas, Volodymyr Zelensky, ka dalë me një reagim zyrtar lidhur me deklaratën e fundit të presidentit të Shteteve të Bashkuara, Donald Trump, i cili një ditë më parë bëri të ditur se kishte arritur të siguronte një armëpushim për ndalimin e sulmeve ndaj objekteve të infrastrukturës energjetike mes Moskës dhe Kievit. Gjatë prononcimit të tij, Zelensky theksoi se ky njoftim i papritur nga Uashingtoni i ka lënë të gjithë të habitur, veçanërisht duke pasur parasysh zhvillimet në terren ku sulmet nuk janë ndalur.