Aktorja e njohur Lily James shkëlqen në Londër me një stil provokues dhe elegant

Aktorja e njohur britanike, Lily James, ka rrëmbyer vëmendjen e të gjithëve gjatë fundjavës, duke u shfaqur me një stil sa elegant, aq edhe guximtar në premierën e filmit “The Liberation”, ngjarje kjo e zhvilluar në kuadër të Festivalit të Filmit në Londër, të dielën. Artistja 37-vjeçare ka shtëtitur në tapetin e kuq e veshur me një bluzë transparente nga marka e njohur luksoze Khaite, e cila kap vlerën e rreth 2 mijë funteve, përmes së cilës shihej qartë të brendshmet e saj me ngjyrë të zezë. E njohur gjerësisht për portretizimin e saj në filmin “Cinderella”, aktorja e ka përshtatur këtë veshje me pantallona klasike të zeza dhe këpucë me taka të larta në të njëjtën nuancë, duke sjellë një paraqitje tejet të kuruar dhe të sofistikuar në ambientet e “Sea Containers London”. Për t'i dhënë pamjes një hov më klasik, flokët e saj biondë ishin stiluar në mënyrë mjaft të rregullt, ndërsa i gjithë look-u u përmbyll me një palë vathë minimalistë prej argjendi. Përtej paraqitjes së saj mbresëlënëse, Lily James është pjesë kyçe e kastit të prodhimit dramatik “The Liberation”, nënnënshkruar nga regjisori Guy Nattiv, ngjarjet e të cilit zhvillohen gjatë periudhës së viteve 1980. Në këtë projekt kinematografik, ylli i ekranit luan rolin e Rickit, e cila shërben si udhëheqëse shpirtërore dhe drejtuese e një kulti. Boshti i kësaj historie kinematografike sillet rreth Rita Cooper, një grua në moshë të mesme që ka mundur t'i mbijetojë tmerrit të Holokaustit, një karakter ky i sjellë në jetë nga aktorja Carrie Coon.