Dëmtimi e detyron Kylian Mbappe të braktisë kombëtaren e Francës, reagon sulmuesi nga Madridi

Kylian Mbappe është përpjekur të qetësojë tifozët e Real Madridit përmes një fotografie të buzëqeshur në rrjetin social Instagram, pasi pësoi një lëndim gjatë ndeshjes kundër Turqisë në Ligën e Kombeve. Ky problem fizik e ka detyruar yllin francez të ndërpresë grumbullimin me kombëtaren dhe të kthehet urgjentisht në Spanjë. Në imazhin e publikuar, sulmuesi shihet i qetë në dhomat e zhveshjes së “Gjelave”, i shoqëruar nga bashkëlojtarët e tij, Camavinga dhe Güler, menjëherë pas përfundimit të sfidës. Ndërkohë, Federata Franceze e Futbollit ka lëshuar një komunikatë zyrtare ku sqaron situatën: “Kylian Mbappé pësoi një dëmtim në gju gjatë aksionit që çoi te goli. Ai ka pësuar një dëmtim në tendinë dhe do të humbasë pjesën e mbetur të grumbullimit të kombëtares.” Për t'i dhënë fund çdo paqartësie rreth gjendjes së tij shëndetësore, sulmuesi kryesor do t'i nënshtrohet kontrolleve të detajuara mjekësore sapo të mbërrijë në Madrid, proces ky që do të përcaktojë edhe kohëzgjatjen e saktë të mungesës së tij në fushën e blertë.