Interi pret Parmën: Zikaltrit kërkojnë kreun e vetëm, surpriza e Chivut në formacion

Kampionati italian i futbollit, Serie A, dhuron sot një sfidë mjaft interesante mes Interit dhe Parmës, një takim ky që i ofron mundësinë skuadrës nga Milano të ngjitet e vetme në majën e renditjes, duke u shkëputur përkohësisht nga Roma me të cilën ndan kreun aktualisht. Zikaltrit zbarkojnë në këtë përballje pas një periudhe sfiduese të ndeshjeve ndërkombëtare, ku pjesa më e madhe e lojtarëve titullarë kanë qenë të angazhuar me përfaqësueset e tyre kombëtare, duke sjellë lodhje fizike në kampin milanez. Për shkak të këtij ngarkimi, trajneri Chivu ka ndërmarrë një vendim strategjik duke e lënë kapitenin Lautaro Martinez në stol. Në vend të tij, tekniku i ka besuar fanellës së titullarit dyshes Esposito dhe Thuram, ndërkohë që kjo ndeshje shënon edhe një përballje speciale, pasi në pankinën e Parmës debuton si trajner Alberto Gilardino.