Gjykata shpall të paligjshëm arrestimin: Lirohen dy aktivistët që qëlluan me vezë makinën e kryeministrit

Gjykata Penale ka vendosur lirimin e menjëhershëm të dy aktivistëve Edison Lika dhe Fatjon Rrapaj, pasi ka vlerësuar se arrestimi i tyre nga efektivët e policisë ka qenë i paligjshëm. Lika ishte ndaluar nga autoritetet ligjzbatuese pas një incidenti të ndodhur më 7 tetor, ku automjeti zyrtar i kreut të qeverisë u qëllua me vezë sapo u largua nga ambientet e Kryeministrisë. Sipas dinamikës së ngjarjes, incidenti ndodhi pranë ndërtesës së Radio Televizionit Shqiptar, në momentin kur eskorta kryeministrore po lëvizte në rrugë. I riu u afruar drejt automjetit dhe ka hedhur disa vezë në drejtim të tij, para se të largohej me vrap për t'i shpëtuar ndjekjes nga forcat e sigurisë. Megjithatë, pas ndalimit të tyre në kuadër të protestave dhe shqyrtimit të çështjes nga organet e drejtësisë, gjykata ka rrëzuar masën e deritanishme, duke i dhënë fund izolimit të dy të rinjve.