Agjenda e ditës: Çfarë do të ndodhë nesër më 10 tetor

Për ta nisur ditën e nesërme në mënyrë sa më të informuar, portali ynë sjell përmbledhjen e ngjarjeve kryesore të parapara për datën 10 tetor, të cilat prekën fusha të rëndësishme si shëndeti mendor dhe arti e kultura. Mëngjesi i nesërm do të hapet me nisjen e edicionit të tetë të Kongresit Ndërkombëtar të titulluar "Shëndeti mendor, sfidat dhe e ardhmja". Ky aktivitet i rëndësishëm do të zhvillohet në Hotel “Sirius”, në sallën “Andromeda” në katin e dytë të tij në Prishtinë, me fillim nga ora 10:00. Në vijim të agjendës, në orën 11:00, Klubi “Dëshira” ka paraparë të mbajë një konferencë për media. Kjo ngjarje organizohet me rastin e shënimit të Ditës Botërore të Shëndetit Mendor dhe do të mbahet në rrugën “Ukshin Hoti” në kryeqytet. Ndërkaq, adhuruesit e artit dhe letërsisë do të kenë mundësinë të ndjekin edicionin e 36-të të ngjarjes tradicionale “Maratona e mallit poetiko-artistik 2026”. Ky organizim kulturor, i përgatitur nga Shoqata e krijuesve, artistëve e letrarëve “Naim Frashëri”, do të bëjë bashkë krijuesit në restorantin “Si n’shpi”, te Pishat e Sllatinës në Fushë-Kosovë, duke nisur po ashtu në orën 11:00.