Tragjedia në Gjilan: Çifti i përfshirë në ngjarjen e rëndë lëmë pas dy fëmijë

Bashkëshortët që u bënë pjesë e krimit të rëndë në fshatin Livoq të Gjilanit – ku dyshohet se gruaja u privua nga jeta nga i shoqi – kanë lënë pas dy fëmijë të mitur. Sipas të dhënave paraprake nga vendi i ngjarjes, nga breshëria e armës së zjarrit humbën jetën bashkëshortja dhe njëri prej vëllezërve të saj, ndërkohë që vëllai i tretë i familjes mbeti i plagosur. Autoritetet kompetente kanë bërë identifikimin e të dyshuarit kryesor për këtë ngjarje tragjike, i cili është Valon Ramushi, ndërsa motivet dhe dinamika e plotë e krimit vazhdojnë të jenë objekt i hetimeve intensive. Në terren janë angazhuar menjëherë ekipet policore, hetuesit rajonalë dhe prokurorët kujdestarë të shtetit, të cilët po vijojnë veprimet hetimore për të hedhur dritë mbi të gjitha rrethanat e këtij rasti tronditës.