Forma e shkëlqyer, Rey Manaj gjen sërish rrugën e rrjetës në elitën e futbollit turk

Sulmuesi i Kombëtares shqiptare, Rey Manaj, ka nisur aty ku e la në kampionatin turk, duke lënë sërish shenjë me fanellën e Sivassporit. Lojtari kuqezi ka realizuar golin e tij të radhës në ballafaqimin mes Sivassporit dhe Pendiksporit, duel ky i vlefshëm për javën e 9-të të Ligës së Parë të Turqisë. Në minutën e 21-të të takimit, Manaj u shërbye në mënyrë perfekte nga bashkëlojtari i tij Yildirim, duke mos gabuar para portës dhe duke kaluar skuadrën vendase në epërsi. Ky është goli i shtatë sezonal për bomberin shqiptar, i cili konfirmon formën e shkëlqyer dhe efikasitetin e tij para portës, vetëm pak ditë pas angazhimeve dhe paraqitjeve të tij me fanellën e Kombëtares kuqezi në ndeshjet e Ligës së Kombeve.