Alcaraz alarmon botën e tenisit: Kalendari i ngarkuar po shkatërron lojtarët

Tenisti i njohur spanjoll, Carlos Alcaraz, ka ngritur shqetësimin e tij gjatë një prononcimi për media rreth ngarkesës së tejskajshme fizike me të cilën po përballen sportistët për shkak të numrit të lartë të turneve. Sipas ish-liderit të renditjes botërore, ky ritëm i papërballueshëm është shkaktari kryesor i lëndimeve të njëpasnjëshme që po dëmtojnë vetë atë dhe kolegët e tij. Një shembull i qartë i kësaj situate është edhe numri një aktual në botë, Jannik Sinner, i cili po mban një pauzë dy-mujore për shkak dëmtimi dhe nuk do të kthehet në fushë para muajit janar. “Mendoj se një nga arsyet se përse po shohim kaq shumë dëmtime është se po na detyrojnë të luajmë shumë ndeshje, duke shkuar përtej limiteve tona”, u shpreh tenisti spanjoll. “Po luajmë në shumë turne, po luajmë shumë ndeshje. Mendoj se jemi duke shkuar në drejtimin e gabuar”, tha Alcaraz. “Unë i uroj Jannik shërim të shpejtë, që të jetë në formë kur të nisë sezoni i ri dhe që ta shoh sa më shpesh”, deklaroi më tej Alcaraz. “Unë kërkoj që njerëzit që drejtojnë duhet t’i kushtojnë më shumë vëmendje asaj që po ndodh me ne tenistët dhe çdo vendim duhet të merret duke biseduar bashkë me lojtarët”, tha Alcaraz.