Gjendje kritike për shëndetin e ish-sulmuesit të njohur të Juventusit

Një ish-futbollist i njohur i skuadrës së Juventusit po përballet me një situatë të rëndë shëndetësore, e cila ka shqetësuar tifozët dhe opinionin sportiv. Bëhet fjalë për Dani Osvaldon, i cili u shtrua në spital pas disa ditësh gjatë të cilave kishte shfaqur dhimbje të forta dhe të vazhdueshme në zonën e gjoksit. Sipas konfirmimit të stafit mjekësor, ish-lojtari është diagnostikuar me një derdhje pleurale në anën e djathtë, ndërsa ndërhyrja u bë e pashmangshme pas përkeqësimit të dukshëm të gjendjes së tij. Osvaldo u dërgua me urgjencë në Spitalin Komunal Llavallol, që ndodhet në Lomas de Zamora. Detajet tregojnë se rasti u komplikua ndjeshëm për shkak të grumbullimit të lëngjeve dhe qelbit në mushkëri, duke kërkuar vëmendje të menjëhershme mjekësore. Gjatë karrierës së tij të pasur, sulmuesi ka mbrojtur ngjyrat e disa prej klubeve më të mëdha evropiane dhe ndërkombëtare, duke përfshirë Fiorentinën, Romën, Southamptonin, Juventusin, Interin, Porton dhe gjigantin argjentinas Boca Juniors.