Postimi prekës i Lionel Messit pas mbylljes së epopesë me Argjentinën: Faleminderit për gjithçka!

Lionel Messi ka zyrtarizuar mbylljen e rrugëtimit të tij me kombëtare, teksa të mërkurën ka zbritur në fushë për herë të fundit me fanelën e Argjentinës, në miqësinë e zhvilluar ndaj Beninit. Sulmuesi legjendar kaloi një mbrëmje plot emocione të forta dhe magjike, duke marrë një dedikim dhe nderim madhështor për kontributin e jashtëzakonshëm ndër vite te "Albicelestet". Pas këtij momenti historik, ylli argjentinas ka zgjedhur rrjetet sociale për të ndarë me ndjekësit një mesazh ku përmbledh ndjenjat e tij të thella dhe kujtimet e paharrueshme nga ky kapitull i mbyllur. Atë që e ka bërë këtë reagim edhe më domethënës është imazhi i zgjedhur prej tij, ku shfaqet duke mbajtur në duar fanelën ku lexohet fjala "Gracias" (Faleminderit) së bashku me numrin 10, simbolin e karrierës së tij të lavdishme.