Planet e Luka Modric pas “varjes së këpucëve në gozhdë”: Legjenda kroate synon rikthimin te Real Madridi

Mesfushtari me përvojë, Luka Modric, ka shprehur qartë dëshirën e tij për t’u rikthyer në ambientin e Real Madridit sapo t’i japë fund rrugëtimit të tij mbresëlënës si futbollist aktiv. 41-vjeçari, i cili aktualisht është pjesë e skuadrës së Milanit, nuk e sheh veten larg futbollit pas pensionimit, por synon të marrë një pozicion të rëndësishëm brenda hierarkisë drejtuese të klubit mbretëror. Aktualisht, kroati është i lidhur me një kontratë me gjigantin italian, Milan, e cila skadon më 30 qershor 2027. Përkundër planeve të tij për të ardhmen, në këtë fazë nuk ka pasur asnjë bisedim apo negociatë zyrtare mes palëve për një rikthim të mundshëm në kryeqytetin spanjoll. Kujtojmë se Modric la gjurmë të pashlyeshme në “Santiago Bernabeu” gjatë 13 viteve të kaluara. Në fanellën e Real Madridit, ai regjistroi plot 597 paraqitje dhe arriti të fitojë 28 trofe të rëndësishëm, ku padyshim kulminojnë gjashtë titujt e fituar në Ligën e Kampionëve.