Zjarr i madh në fshatin Haspiraj të Peqinit

Një zjarr i përmasave të mëdha ka përfshirë një sipërfaqe me shkurre, pyll, por edhe ullishte në fshatin Haspiraj të Peqinit. Zjarri u identifikua në orët e pasdites dhe u deshën rreth tri orë nga ekipet zjarrfikëse për ta fikur tërësisht. Prej disa ditësh zjarret e qëllimshme kanë pushtuar sipërfaqe të tëra në fshatrat e Peqinit. Sezoni i vjeshtës sjell gjithmonë më shumë zjarre për shkak të djegies së tokave bujqësore, nga fermerët, zjarre të cilat më pas dalin jashtë kontrollit. Era e fortë e ditëve të fundit ka bërë që zjarret të përhapen gjerësisht duke djegur hektarë të tërë me pemtari.