Ndryshimet në Ligjin për Specialen, Gruda: Kushtetuta dhe detyrimet ndërkombëtare mbeten të paprekura

Deputeti i Partisë Demokratike të Kosovës, Përparim Gruda, ka komentuar miratimin e ndryshimeve në Ligjin për Dhomat e Specializuara, duke dhënë sqarime rreth përmbajtjes dhe ndikimit të tyre ligjor. Sipas Grudës, ky hap legjislativ nuk përbën shkelje të marrëveshjeve apo zotimeve ndërkombëtare që shteti i Kosovës ka marrë përsipër ndër vite. “Jemi të bindur që ky ligj nuk e shkel asnjë obligim që Kosova e ka marrë dhe jemi ballëhapur para bashkësisë ndërkombëtare”, u shpreh ai.